خیبر پختونخوا میں سیلاب کا خطرہ: این ڈی ایم اے کا الرٹ

پشاور : نیشنل ڈیزاسٹر مینجمنٹ اتھارٹی (این ڈی ایم اے) نے خیبر پختونخوا میں آنے والے مون سون کے دوران سیلاب کے خطرات کو مدنظر رکھتے ہوئے ایک الرٹ جاری کیا ہےجبکہ اگلے چند دنوں میں صوبے کے مختلف علاقوں میں موسلادھار بارشوں کا امکان ہے۔

این ڈی ایم اے کے مطابق ہزارہ، مالاکنڈ ڈویژن، پشاور، بنوں، ڈیرہ اسماعیل خان، ہنگو، ہری پور اور کوہاٹ سمیت صوبے کے کئی اضلاع میں شدید بارشوں کا امکان ہے۔ اس کے علاوہ کُرم، لکی مروت، مہمند، اورکزئی اور وزیرستان میں بھی بارشوں کا سلسلہ جاری رہنے کا امکان ہے۔

شدید بارشوں کی وجہ سے ندی نالوں میں طغیانی، لینڈ سلائیڈنگ اور شہری علاقوں میں پانی کی جمع ہونے کا خطرہ ہے۔ اس صورتحال کو مدنظر رکھتے ہوئے انتظامیہ کو ہدایت کی گئی ہے کہ وہ سیلاب اور لینڈ سلائیڈنگ سے نمٹنے کے لیے تمام ضروری اقدامات کریں۔

سیاحوں کو پہاڑی علاقوں میں جانے سے گریز کرنے کی ہدایت کی گئی ہے اور متعلقہ محکموں کو بھی اس حوالے سے الرٹ کر دیا گیا ہے۔ شہریوں کو بھی احتیاطی تدابیر اختیار کرنے اور انتظامیہ کے ساتھ تعاون کرنے کی اپیل کی گئی ہے۔

این ڈی ایم اے نے عوام سے اپیل کی ہے کہ وہ موسمی پیش گوئیاں اور حکومتی ہدایات پر عمل کریں اور کسی بھی قسم کی صورتحال میں فوری طور پر انتظامیہ سے رابطہ کریں۔