محکمہ موسمیات نے لاہور میں بارش کی پیش گوئی کر دی

لاہور: باغوں کے شہر لاہور میں آج موسم خوشگوار رہنے کی پیش گوئی کی گئی ہے۔ محکمہ موسمیات کے مطابق شہر میں وقفے وقفے سے بارش کا امکان ہے۔

محکمہ موسمیات کے مطابق آج لاہور کا کم سے کم درجہ حرارت 27 ڈگری سینٹی گریڈ اور زیادہ سے زیادہ درجہ حرارت 33 ڈگری سینٹی گریڈ رہنے کا امکان ہے۔ ہواؤں کا سلسلہ بھی جاری رہے گا اور ہوا کی رفتار 13 کلومیٹر فی گھنٹہ رہنے کا تخمینہ ہے۔ ہوا میں نمی کا تناسب 79 فیصد تک پہنچ سکتا ہے۔

ماہرین کے مطابق شہر کا موجودہ درجہ حرارت 30 ڈگری سینٹی گریڈ ریکارڈ کیا گیا ہے۔ محکمہ موسمیات کے مطابق لاہور سمیت پنجاب کے مختلف اضلاع میں بارش کا سلسلہ 18 اگست تک جاری رہنے کا امکان ہے۔