پنجاب میں پوزیشن ہولڈرز طلبہ کے لیے انعامات کا اعلان

لاہور : پنجاب حکومت نے تعلیم کے میدان میں نمایاں کارکردگی دکھانے والے طلبہ کو انعام دینے کا فیصلہ کیا ہے۔ وزیراعلیٰ پنجاب مریم نواز شریف نے صوبے کے تمام تعلیمی بورڈز کے پوزیشن ہولڈرز کو انعام دینے کی منظوری دے دی ہے۔

وزیراعلیٰ کی ہدایت پر پوزیشن ہولڈرز طلبہ کے اساتذہ کو بھی انعامات دیے جائیں گے۔ اس سے نہ صرف طلبہ بلکہ اساتذہ کو بھی حوصلہ افزائی ہوگی۔

مریم نواز نے 25 ہزار طلبہ کے لیے سکالرشپ کا اعلان بھی کیا ہے۔ اس کے تحت حکومت طلبہ کے تعلیمی اخراجات ادا کرے گی۔ اس کے لیے سالانہ سوا سو ارب روپے سے زائد کی رقم مختص کی گئی ہے۔

پنجاب میں طالبات کے لیے ٹرانسپورٹ کا انتظام بھی کیا جا رہا ہے۔ اس کے تحت پہلے مرحلے میں 60 گرلز کالجز کو بسیں فراہم کی جائیں گی۔

پنجاب کے تمام اضلاع میں آئی ٹی حبوں کا قیام بھی عمل میں لایا جائے گا۔ وزیراعلیٰ نے اس حوالے سے فوری اقدامات کرنے کا حکم دیا ہے۔