لاپتہ وکیل کا مستعفی وزیراعظم حسینہ واجد کی خفیہ جیل سے رہائی کے بعد احوال

ڈھاکا: بنگلہ دیش میں گزشتہ 8 برس سے لاپتہ وکیل بیرسٹر احمد بن قاسم نے مستعفی بنگلہ دیشی وزیراعظم حسینہ واجد کی خفیہ جیل کا احوالے بتا دیا۔ 

بیرسٹر احمد بن قاسم نے کہا کہ مجھے لگا تھا کہ وہ مجھے مار ڈالیں گے۔ 8 سال بعدآنکھوں پر پٹی باندھ کر اور ہتھکڑیاں پہنا کر جب مجھے پہلی بار خفیہ جیل آئینہ گھر سے باہر نکالا گیا تو میں نے پستول کی آواز سن کر اپنی سانسیں روک لیں لیکن انھوں نے مجھے  مارنے کی بجائے ڈھاکا کے مضافات میں ایک کار سے کیچڑ والی کھائی میں زندہ اور آزاد پھینک دیا۔

احمد بن قاسم کا بتانا ہے کہ مجھے قومی بغاوت کے بارے میں کوئی علم نہیں تھا جو میری  اچانک رہائی کا باعث بنی۔8  برس میں پہلی بار مجھے تازہ ہوا نصیب ہوئی جبکہ میں سمجھا تھا کہ وہ مجھے مار ڈالیں گے۔

غیر ملکی خبر رساں ادارے کے مطابق احمد بن قاسم کو ان کے والد اور جماعت اسلامی کے رہنما میر قاسم علی کی وجہ سے اغوا کیا گیا تھا، وہ اپنے والد کا کیس لڑ رہے تھے جب انہیں اغوا کیا گیا اور اغوا کے 4 دن بعد ان کے والد کو پھانسی دے دی گئی۔