سونے کی قیمت میں اضافہ: فی تولہ سونہ 2 لاکھ 57 ہزار 700 روپے کا ہو گیا

کراچی : ملک بھر میں سونے کی قیمت میں ایک بار پھر اضافہ دیکھنے میں آیا ہے۔

 آل پاکستان جیمز اینڈ جیولر ایسوسی ایشن کے مطابق، سونے کی فی تولہ قیمت 300 روپے بڑھ کر 2 لاکھ 57 ہزار 700 روپے ہو گئی ہے۔ اسی طرح، 10 گرام سونے کی قیمت بھی 256 روپے بڑھ کر 2 لاکھ 20 ہزار 936 روپے ہو گئی ہے۔

صرف پاکستان ہی نہیں بلکہ عالمی سطح پر بھی سونے کی قیمت میں اضافہ دیکھا جا رہا ہے۔ عالمی بازار میں سونے کی قیمت 7 ڈالر بڑھ کر 2461 ڈالر فی اونس ہو گئی ہے۔

سونے کی قیمت میں اضافے کی متعدد وجوہات ہیں جن میں عالمی سطح پر سیاسی عدم استحکام، مہنگائی، اور سرمایہ کاروں کی جانب سے سونے کو ایک محفوظ سرمایہ کاری کے طور پر دیکھنا شامل ہیں۔