انٹرنیٹ بنداور نہ ہی سست کیا گیا، وی پی این کے استعمال سے رفتار متاثر ہوئی، وزیر آئی ٹی

اسلام آباد : وزیرِ اطلاعات و ٹیکنالوجی شزہ فاطمہ نے کہا کہ ملک میں انٹرنیٹ سروسز کو بند نہیں کیا گیا بلکہ وی پی این کے زیادہ استعمال کی وجہ سے انٹرنیٹ کی رفتار متاثر ہوئی تھی۔

اپنے ایک بیان میں وزیرِ اطلاعات نے کہا کہ حکومت نے آئی ٹی سیکٹر کو ترجیح دیتے ہوئے اس کے لیے 60 ارب روپے کا بجٹ مختص کیا ہے۔ اس کے علاوہ، ملک میں ڈیجیٹل اسکلز کی ترقی کے لیے بھی کئی اقدامات کیے جا رہے ہیں اور اس سلسلے میں 4 ارب روپے کا اضافی بجٹ رکھا گیا ہے۔

شزہ فاطمہ نے کہا کہ حکومت کا مقصد ہے کہ پاکستان کو ایک ڈیجیٹل ملک بنایا جائے اور اس سلسلے میں کئی اہم اقدامات کیے جا رہے ہیں۔ انہوں نے بتایا کہ ملک میں دو نئے آئی ٹی پارک بھی بنائے جا رہے ہیں جو کہ ہزاروں افراد کو روزگار کے مواقع فراہم کریں گے۔

وزیرِ اطلاعات نے واضح کیا کہ حکومت نے انٹرنیٹ کو سست نہیں کیا بلکہ وی پی این کے زیادہ استعمال کی وجہ سے انٹرنیٹ کی رفتار متاثر ہوئی ہے۔ انہوں نے کہا کہ حکومت کی کوشش ہے کہ عوام کو انٹرنیٹ کے مسائل کا سامنا نہ کرنا پڑے۔