حکومت کا غیر قانونی امیگریشن کی روک تھام کیلئے اے آئی بیسڈ ایپ لانے کا فیصلہ

اسلام آباد: وفاقی تحقیقاتی ادارہ (ایف آئی اے)نےملک بھرکےامیگریشن کاؤنٹرزکواے آئی بیسڈبنانےکافیصلہ کرلیا۔

تفصیلات کے مطابق وزیر داخلہ محسن نقوی اور وزیر اوورسیز پاکستانیز چوہدری سالک حسین کی زیر صدارت ہونے والے اجلاس میں اس سلسلے میں متعدد فیصلے کیے گئے۔

اجلاس میں پروٹیکٹر کے اجرا کے نظام کو فول پروف بنانے اور امیگریشن سسٹم میں اصلاحات کے ذریعے مسافروں کی سہولت کو یقینی بنانے کا فیصلہ کیا گیا۔

وفاقی وزرا نے اجلاس کے بعد سات دن کے اندر حتمی سفارشات پیش کرنے کی ہدایت بھی دی۔ اجلاس میں جعلی ویزوں اور ایجنٹ مافیا میں ملوث عناصر کے خلاف کریک ڈاؤن کا حکم دیا گیا۔

حکام کے مطابق امیگریشن سےپہلےسافٹ ویئرمیں پاکستان سےجانیوالےمسافر کواپناڈیٹاانٹرکرناہوگا،مسافرکےتمام ڈاکیومنٹس اور ویزے پروسیس کواےآئی کی مددسےجانچاجائیگا۔

حکام کا مزید کہنا ہے کہ ڈیٹاانٹری کےکچھ دیربعدمسافرکوعلم ہوجائے گاکہ سفرکی اجازت ہوگی یانہیں؟جبکہ مسافروں کوسافٹ ویئرکی مددسےکیوآرکوڈمل جائےگا،ڈاکیومنٹس کلیئروالےمسافروں کوچندمنٹ میں امیگریشن کاعمل مکمل کرنےکی سہولت ہوگی۔

وزیر داخلہ محسن نقوی نے کہا کہ غیر قانونی امیگریشن کو روکنے کے لیے اے آئی بیسڈ ایپ کا پائلٹ پروجیکٹ شروع کیا جا رہا ہے۔