شمالی وزیرستان کے علاقے رزمک میں بم دھماکا، 4 افراد ہلاک

شمالی وزیرستان کے علاقے رزمک میں دھماکا ہوا، جس کے نتیجے میں 4 افراد جاں بحق ہو گئے۔

 ذرائع کے مطابق ضلعی انتظامیہ کا کہنا ہے کہ دھماکا تحصیل رزمک بازار میں ہوا، جس کے نتیجے میں 4 افراد جاں بحق جبکہ 18 افراد زخمی ہو گئے۔

پولیس کے مطابق دھماکا خیز مواد موٹر سائیکل میں نصب کیا گیا تھا، واقعے کے بعد قانون نافذ اداروں کے اہلکاروں نے علاقے میں سرچ آپریشن شروع کر دیا۔

کمشنر بنوں عابد وزیر کا کہنا ہے کہ تمام افسران وہاں موقع پر موجود ہیں، تمام اسپتالوں میں ایمرجنسی نافذ کردی گئی ہے۔