علی ظفر کی اداکاری میں واپسی، ویب سیریز ’گینگ آف خراسان‘ کی پہلی جھلک جاری

پاکستانی سنگر اور اداکار علی ظفر نے فلم ’طیفا اِن ٹربل‘ کے بعد اداکاری کی دنیا میں واپسی کرتے ہوئے نئی ویب سیریز ’گینگ آف خراسان‘ میں انٹری دے دی ہے، جس کی پہلی جھلک جاری کردی گئی ہے۔

ویب سیریز کی جاری کردہ پہلی جھلک میں علی ظفر کی انٹری کو شائقین کی جانب سے بے حد پسند کیا جارہا ہے۔ وہ سیریز میں ’بوستان خان‘ کے کردار میں نظر آئیں گے۔

’گینگ آف خراسان‘ کی کاسٹ میں علی ظفر کے علاوہ فیروز خان، انس علی، حمائمہ ملک، آئمہ بیگ، سونیا حسین، سید جبران اور فرحان اللہ سمیت دیگر فنکار بھی شامل ہیں۔

ویب سیریز کی ہدایت کاری حمزہ انصاری نے کی ہے، جبکہ اس کی کہانی نعیم علی اور حمزہ انصاری نے مشترکہ طور پر تحریر کی ہے۔

انس علی اور عامر چوٹانی اس منصوبے کے ایگزیکٹو پروڈیوسرز ہیں۔