لاہور ایئرپورٹ پر منشیات اسمگلنگ میں ملوث نائیجیرین  شہری گرفتار

راولپنڈی (مانیٹرنگ ڈیسک) ایئرپورٹ سکیورٹی فورسز نے لاہور انٹرنیشنل ایئرپورٹ پر منشیات کی اسمگلنگ کے ایک بڑے آپریشن میں ایک نائیجیرین شہری کو گرفتار کیا ہے اور اس کے پیٹ سے 608 گرام کوکین برآمد کر لی گئی۔

اے این ایف کے ترجمان کے مطابق ملزم نائیجیریا سے دبئی ہوتا ہوا لاہور پہنچا تھا اور اس نے اپنی جسم میں 38 کیپسول نگل کر کوکین سمگل کرنے کی کوشش کی تھی۔ ترجمان نے مزید بتایا کہ ملزم کو قانون نافذ کرنے والے اداروں کی نگرانی میں تھا اور اسے ایئرپورٹ پر گرفتار کر لیا گیا۔

ای این ایف کے اعداد و شمار کے مطابق، پاکستان میں منشیات کی اسمگلنگ میں نائیجیریائی شہریوں کی ملوثی میں اضافہ ہوا ہے۔ 

سال 2023 میں اے این ایف نے 10 مقدمات درج کیے اور 10 نائیجیریائی شہریوں کو گرفتار کیا، جن سے 4.811 کلو گرام منشیات برآمد ہوئی۔ اسی طرح رواں سال 7 کارروائیوں میں 8 نائیجیرین شہریوں کو گرفتار کر کے 11.420 کلو گرام منشیات برآمد کی گئی ہیں۔

ملزم کے خلاف انسدادِ منشیات ایکٹ کے تحت مقدمہ درج کر لیا گیا ہے اور اے این ایف مزید تحقیقات کر رہی ہے۔