شب معراج کے موقع پر سندھ میں تعلیمی ادارے بند رہیں گے

کراچی:صوبائی حکومت نے شب معراج کے موقع پر سندھ بھر کے تمام تعلیمی ادارے بند رکھنے کا اعلان کر دیا۔
اس حوالے سے صوبائی حکومت نے نوٹی فکیشن جاری کر دیا ہے۔
 نوٹی فکیشن میں کہا گیا ہے کہ تمام سرکاری اور نجی تعلیمی ادارے 28 جنوری بروز منگل کو شب معراج کی وجہ سے بند رہیں گے۔
شب معراج 27 رجب کو مذہبی جوش و جذبے اور عقیدت کے ساتھ منائی جاتی ہے۔ 
سندھ حکومت کی جانب سے عام تعطیل کے اعلان کے بعد اسکول 29 جنوری بروز بدھ کو معمول کے مطابق کھلیں گے۔