اپوزیشن ،صحافیوں کا احتجاج نظر انداز،سینیٹ سے متنازع پیکا ایکٹ ترمیمی بل منظور 

اسلام آباد:حکومت نے اپوزیشن اور صحافتی تنظیموں کے احتجاج کو نظر انداز کرتے ہوئے قومی اسمبلی کے بعد سینیٹ سےبھی متنازع پیکا ایکٹ ترمیمی بل 2025  کرالیا۔
متنازع ایکٹ کی منظوری کے دوران اپوزیشن نے بل کی شدید مخالفت کرتے ہوئے احتجاج کیا ۔
جب سینیٹ اجلاس کی کوریج کے لیے آئے ہوئے صحافیوں نے سینیٹ اجلاس کی کارروائی کے دوران واک آوٹ کیا۔  
بل کی منظوری کے دوران سینیٹ میں قائد حزب اختلاف اور پی ٹی آئی رہنما شبلی فراز نےگفتگو کرتے ہوئے کہا کہ ہم اس بل کی حمایت نہیں کررہے، وزیرکی باتیں درست ہیں کہ جھوٹ پرمبنی خبرپھیلانےکوکوئی سپورٹ نہیں کرتا، کوئی شراکت دار اس میں شامل نہیں۔
شبلی فراد نے مزید کہا کہ اس بل کا طریقہ کار درست نہیں، جو کیسز ہیں اس کے لیے نہ ادارہ بنا، نہ جج ہیں، نہ وکیل۔
 اجلاس میں جے یو آئی (ف) کے سینیٹر کامران مرتضیٰ نے کہا کہ پیکا ایکٹ پر میری ترامیم تھیں جنہیں نہ کمیٹی نے منظور کیا گیا اور نہ ہی مسترد کیا گیا، یہ قائمہ کمیٹی کی نامکمل رپورٹ ہے۔
خیال رہےکہ قومی اسمبلی اور سینیٹ کی قائمہ کمیٹی برائے داخلہ پیکا ایکٹ کو منظور کر چکی ہیں۔