نیشنل سیکیورٹی اجلاس میں کچھ جماعتوں کی عدم شرکت افسوسناک ہے،بلاول بھٹو

لاہور:چیئرمین پاکستان پیپلزپارٹی بلاول بھٹو نے کہا ہے کہ عوام کے مسائل کا حل ترجیح ہونی چاہیے، نیشنل سیکیورٹی اجلاس میں کچھ جماعتوں کی عدم شرکت افسوسناک ہے۔
لاہورگورنر ہاوّس میں خطاب کرتے ہوئےچئیرمین پاکستان پیپلز پارٹی بلاول بھٹو کا کہنا تھا کہ ملک میں دہشت گردی عروج پر ہے اور سیاست تقسیم کا شکار ہے، دہشت گرد بلوچستان اور خیبرپختونخوا سرگرم ہیں۔
 انہوں نے مزید کہا کہ پاکستان میں دہشت گردی کے پیچھے بین الاقوامی طاقتیں ہوں گی، دہشت گردوں کا مقابلہ کرنے کے لیے متحد ہونا ہوگا۔
چیئرمین پیپلزپارٹی نے مزید کہا کہ پاکستان مشکلات سے دوچار ہے، پاکستان کے عوام غربت اور بے روز گاری کا سامنا کررہے ہیں، پاکستان کے عوام سیاست دانوں کی طر ف دیکھ رہے ہیں، ان کا کہنا تھاکہ عوام کے مسائل کا حل ترجیح ہونی چاہیے، نیشنل سیکیورٹی اجلاس میں کچھ جماعتوں کی عدم شرکت افسوسناک ہے، بلوچستان اور خیبرپختونخوا میں امن وامان پرخصوصی توجہ دینا ہوگی۔
چیئرمین پیپلزپارٹی کا کہناتھا کہ قومی ایشوز پر اتفاق رائے پیدا کرنا ناگزیر ہے، تمام جماعتوں کو ذاتی مسائل کی بجائےملک اور قوم کے لیے اکٹھا ہونا ہوگا۔
بلاول بھٹو نےمزید کہا کہ وزیراعظم سے اپیل ہے ایک بار پھر قومی سلامتی پر اجلاس بلائیں، حکومت سیاسی جماعتوں کو قومی سلامتی امور پر یکجا کرے، ملکی مفاد میں اجتماعی فیصلے لینا ہوں گے۔