نماز عید کے بعد شہریوں نے فاتحہ خوانی کیلئے اپنے پیاروں کی قبروں کا رُخ کر لیا

 آج عید الفطر کے روز ملک بھر میں شہری اپنے پیاروں اور عزیز و اقارب کی قبروں پر فاتحہ خوانی کیلئے قبرستانوں کا رخ کریں گے۔

صوبائی دارالحکومت ٓلاہور کے سب سے بڑے قبرستان میانی صاحب میں گذشتہ روز ہی شہریوں کی کثیر تعداد نے رش سے بچنے کیلئے اپنے عزیز و اقارب اور اپنوں کی قبروں کا رخ کیا۔

آج بھی عید کے روز شہریوں کی بہت بڑی تعداد اپنے پیاروں کی قبروں پر فاتحہ خوانی کیلئے قبرستان جائے گی۔

شہریوں کی جانب سے اپنے پیاروں کی قبروں کی صفائی اور ان پر گل پاشی بھی کی گئی۔

قبرستان آنے والے شہریوں کا کہنا ہے کہ عید کی خوشی ہے لیکن ساتھ ہی ساتھ اپنے پیاروں کے بچھڑنے کا دکھ بھی ہے، نماز کے بعد یہاں اپنے عزیز و اقارب کی دعائے مغفرت کیلئے آئے ہیں۔