بنگلہ دیشی دار الحکومت ڈھاکا میں 4.3 شدت کا زلزلہ، شہریوں میں خوف و ہراس پھیل 

ڈھاکا:بنگلا دیش کے دارالحکومت ڈھاکا میں 4.3 شدت کے زلزلے کے جھٹکے محسوس کئے گئے، جس سے شہریوں میں خوف و ہراس پھیل گیا۔
غیر ملکی میڈیا کے مطابق امریکی جیولوجیکل سروسے (یو ایس جی سی) کے مطابق ڈھاکا میں زلزلے کے جھٹکے محسوس کئے گئے، زلزلے کی ریکٹر سکیل پر شدت 4.3 تھی، زلزلے کی گہرائی 10 کلو میٹر تھی۔
 زلزلے کے جھٹکوں کے باعث شہریوں میں خوف و ہراس پھیل گیا، تاہم کسی جانی یا مالی نقصان کی کوئی اطلاع نہیں ملی۔
بنگلا دیش محکمہ موسمیات (بی ایم ڈی) نے بھی ایک پیغام میں اس معاملے کی تصدیق کی ہے جس میں بتایا گیا کہ زلزلے کا مرکز بی ایم ڈی سیسمک سینٹر، آگارگاؤں، ڈھاکا سے 105 کلومیٹر شمال مشرق میں واقع تھا۔