ملتان: وین میں آگ لگنے سے 4 افراد جھلس کر جاں بحق

ملتان: وین میں آگ لگنے سے 4 افراد جھلس کر جاں بحق ہوگئے۔
ریسکیو حکامکے مطابق یہ افسوسناک واقعہ ملتان کے علاقے قاسم بیلہ روڈ پرمظفر آباد پل کے قریب پیش آیا جہاں وین میں آگ بھڑک اٹھی۔
ریسکیو حکام نے بتایا کہ آگ لگنے سے گاڑی میں سوار 6 افراد جھلس گئے، جن میں 4 جھلس کر موقع پر دم توڑ گئے جبکہ ڈرائیور سمیت 2 افراد زخمی ہوگئے۔
 ریسکیوحکام کے مطابق لاشوں اور زخمیوں کو نشتر ہسپتال منتقل کردیا گیا، لاشوں اور زخمیوں کی شناخت نہیں ہوسکی ہے، وین میں سوار افراد جام پور سے ملتان ائیرپورٹ جارہے تھے ۔
پولیس کا کہنا ہےکہ وین کوٹ ادو سے ملتان ائیر پورٹ جا رہی تھی، گاڑی میں آگ لگنے کی وجہ جاننے کی کوشش کی جارہی ہے۔
حادثے کا شکار افراد دبئی روانگی کے لیے ملتان ایئرپورٹ جارہے تھے۔