بھارت اور پاکستان کے درمیان سیز فائر پر اتفاق،بھارتی وزیر خارجہ 

نئی دہلی: بھارت کے وزیرخارجہ ایس جے شنکر نے تصدیق کرتے ہوئے کہا ہے کہ بھارت اور پاکستان کے درمیان سیز فائر پر اتفاق ہو گیا ہے۔
انڈین میڈ یا کے مطابق بھارتی وزارت خارجہ نے کہا ہے کہ بھارت اور پاکستان نے آج فائرنگ اور جوابی کارروائیوں کی روک تھام پر اتفاق کیا۔
ایس جے شنکر نے اپنے ایک بیان میںمزید کہا ہے کہ بھارت اور پاکستان میں فائرنگ و فوجی کارروائیاں روکنے پر اتفاق ہوا ہے،دونوں ممالک کے درمیان جنگ بندی پر سمجھوتہ طے پا گیا۔
ایس جے شنکر کا کہنا تھا کہ دہشتگردی کے خلاف غیر متزلزل اور سخت مؤقف برقرار رہے گا، اور دہشتگردی کسی بھی شکل میں قابل قبول نہیں۔
خیال رہے  چھ دیر قبل امریکی صدر ڈونلڈ ٹرمپ نے اعلان کیا تھا کہ پاکستان اور بھارت جنگ بندی پر آمادہ ہو گئے ہیں۔
 امریکہ نے دونوں ممالک سے پوری رات بات چیت کی اور اس کی ثالثی کے باعث پاکستان اور بھارت فوری اور مکمل فائر بندی پر راضی ہو گئے ہیں۔
امریکی صدر ٹرمپ نے کہا کہ دونوں ممالک کو مبارکباد پیش کرتا ہوں کہ انہوں نے عقل کا استعمال کرتے ہوئے جنگ بندی پر آمادگی ظاہر کر دی۔