بھارت اور پاکستان کی حکومتیں فوری جنگ بندی پر متفق ، امریکی وزیر خارجہ کی تصدیق

امریکی وزیر خارجہ مارکو روبیو نے کہا ہے کہ بھارت اور پاکستان کی حکومتیں فوری جنگ بندی پر متفق ہو گئی ہیں۔

غیر ملکی خبر رساں ایجنسی کے مطابق امریکی وزیر خارجہ مارکو روبیو نے کہا ہے کہ گزشتہ 48 گھنٹوں کے دوران، وینس اور میں نے بھارت اور پاکستان کے سینئر حکام سے بات چیت کی۔

مارکو روبیو نے کہا کہ بھارت اور پاکستان کی حکومتیں ایک غیر جانبدار مقام پر مختلف اہم معاملات پر بات چیت کا آغاز کریں گی۔ بھارتی وزیر اعظم نریندر مودی اور پاکستان کے وزیر اعظم شہباز شریف نے دانشمندی سے امن کا راستہ چنا۔

انہوں نے کہا کہ یہ اعلان کرتے ہوئے خوشی ہو رہی ہے کہ بھارت اور پاکستان کی حکومتیں فوری جنگ بندی پر متفق ہو گئی ہیں۔

واضح رہے کہ انہوں نے کہا کہ دونوں ممالک جلد غیر جانبدار مقام پر جامع مذاکرات کا آغاز کریں گے۔