یونان میں 6.3 شدت کا زلزلہ،جھٹکے ترکیے کے مغربی علاقوں تک محسوس کیے گئے

یونان میں 6.3 شدت کا زلزلہ آیا جس کے جھٹکے ترکیے کے مغربی علاقوں تک محسوس کیے گئے۔

یورپی زلزلہ پیما مرکز (EMSC) کے مطابق زلزلے کی گہرائی 83 کلومیٹر تھی، جس کے باعث اس کے اثرات دور درازعلاقوں تک محسوس کیے گئے۔

زلزلے کا مرکز یونان کے وسطی علاقے میں تھا، تاہم ابتدائی اطلاعات کے مطابق کسی جانی یا مالی نقصان کی اطلاع موصول نہیں ہوئی، شہریوں میں خوف و ہراس پھیل گیا اور لوگ گھروں سے باہر نکل آئے۔

ترکیے کے شہرازمیراوردیگر قریبی علاقوں میں بھی جھٹکوں کی شدت معمولی محسوس کی گئی، زلزلہ پیما اداروں نے آفٹر شاکس کے خدشے کے پیش نظر مقامی انتظامیہ کو الرٹ رہنے کی ہدایت کی ہے۔