سربراہ پاک بحریہ کا سی ایم ایچ راولپنڈی کا دورہ، آپریشن بنیان مرصوص کے زخمیوں کی عیادت کی

راولپنڈی: پاکستان بحریہ کے سربراہ ایڈمرل نوید اشرف نے سی ایم ایچ راولپنڈی کا دورہ کیا اور آپریشن بنیان مرصوص کے دوران زخمی ہونے والے جوانوں اور شہریوں کی عیادت کی۔
پاک فوج کے شعبہ تعلقات عامہ ( آئی ایس پی آر ) کے مطابق اس موقع پر نیول چیف نے زخمیوں کی غیر متزلزل بہادری، عظیم جذبے اور فرض شناسی کو خراج تحسین پیش کیا۔
ایڈمرل نوید اشرف نے زخمیوں سے انفرادی طور پر ملاقات کی اور ان کی فوری صحت یابی کے لیے نیک خواہشات کا اظہار کیا۔
ترجمان پاک فوج کے مطابق اس موقع پر سرابرہ پاک بحریہ کا کہنا تھا کہ قوم اور مسلح افواج دشمن کی کسی بھی مہم جوئی کا بھرپور جواب دینے کے لیے متحد ہیں۔