سابق امریکی صدر جوبائیڈن پروسٹیٹ کینسر میں مبتلا، مرض ہڈیوں تک پھیل گیا

سابق امریکی صدر جوبائیڈن کینسر میں مبتلا ہوگئے۔

غیر ملکی خبررساں ایجنسی کے مطابق بائیڈن آفس کی جانب سے جاری بیان میں بتایا گیا ہے کہ سابق امریکی صدر کو پروسٹیٹ کینسر کی تشخیص ہوئی ہے۔

بیان میں کہا گیا ہے کہ جمعہ کو 82 سالہ جوبائیڈن کو  پروسٹیٹ کینسر کی ایک "جارحانہ" قسم کی تشخیص ہوئی ہے جو ہڈیوں تک پھیل چکا ہے، سابق صدر اور ان کے اہل خانہ  معالجین کے ساتھ مل کر علاج کے آپشنز کا جائزہ لے رہے ہیں۔

امریکی صدرڈونلڈ ٹرمپ نے اپنے بیان میں کہا ہے کہ جوبائیڈن میں کینسر کی تشخیص کا سن کر افسردہ ہیں۔

امریکی صدرٹرمپ نے جل بائیڈن اور ان کےاہل خانہ کیلئے نیک خواہشات کا اظہار کرتے ہوئے جو بائیڈن کی جلدصحت یابی کیلئے دعا کی۔

واضح رہے کہ پروسٹیٹ کینسر (Prostate Cancer) مردوں میں پایا جانے والا ایک عام کینسر ہے جو پروسٹیٹ گلینڈ میں پیدا ہوتا ہے۔  پروسٹیٹ ایک چھوٹا سا غدود (gland) ہوتا ہے جو مردوں کے تولیدی نظام کا حصہ ہوتا ہے۔