عالمی و مقامی مارکیٹو ں میں سونا ہزاروں روپے مہنگا ،فی تولہ کتنے کا ہو گیا؟

کراچی: عالمی ومقامی مارکیٹوں میں سونے کی قیمت میں آج بھی بڑا اضافہ ریکارڈ کیا گیا۔
آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے روز مقامی صرافہ بازاروں میں 24 گرام سونے کی فی تو لہ قیمت میں 4 ہزار روپے کا اضافہ ریکارڈ کیا گیا جس کے بعد 24 گرام سونے کی نئی قیمت 3لاکھ 42ہزار 500روپے کی سطح پر آگئی۔
اس طرح دس گرام سونے کی قیمت میں 3ہزار 429روپے کا اضافہ ریکارڈ کیا گیا جس کے بعد ملک میں دس گرام سونے کی نئی قیمت  2لاکھ 93ہزار 638روپے کی سطح پر آگئی۔
دوسری جانب عالمی بلین مارکیٹ میں فی اونس سونے کی قیمت 40ڈالر کا اضافہ ہوا ہے جس کے بعد عالمی مارکیٹ میں سونے کی نئی قیمت 3ہزار 241ڈالر کی سطح پر آگئی۔