سٹیٹ بینک نے مویشی منڈیوں میں ڈیجیٹل ادائیگیوں کیلئے ملک بھر میں مہم کا آغاز کردیا

سٹیٹ بینک نے مویشی منڈیوں میں ڈیجیٹل ادائیگیوں کیلئے ملک بھر میں ایک مہم کا آغاز کردیا ہے ۔

بینک نے ایک بیان میں کہا یہ مہم آئندہ ماہ کی چھ تاریخ تک جاری رہے گی اور اس کا مقصد خریداروں اور فروخت کنندگان کی قربانی کے جانور خریدنے کیلئے ڈیجیٹل ادائیگیوں کے استعمال میں حوصلہ افزائی کرنا ہے۔

بیان میں کہا گیا ہے کہ نقد ادائیگی کی بجائے ڈیجیٹل طریقے سے رقم منتقل کرنے کی حوصلہ افزائی اور تشہیر میں ذرائع ابلاغ کا کردار قابل تحسین ہو گا اور اس سے ادائیگی کا تحفظ بھی یقینی بنایا جا سکے گا۔