پاکستان کے قومی جانور مارخور کا عالمی دن آج منایا گیا

پاکستان سمیت دنیا بھر میں مارخور کا عالمی دن 24 مئی بروز ہفتہ کو منایا گیا۔

تفصیلات کے مطابق مارخور پاکستان کا قومی جانور ہےیہ  زیادہ تر گلگت بلتستان، چترال، وادی کیلاش، ہنزہ اور بلوچستان میں پایا جاتا ہے۔

واضح رہے کہ پاکستان کے علاوہ مارخور افغانستان، ازبکستان، تاجکستان، بھارت اور چند دیگر ممالک میں بھی پایا جاتا ہے۔

مارخور کے تحفظ کیلئے بین الاقوامی اور علاقائی سطح پر تعاون کے لیے کام جاری ہے ۔

یاد رہے کہ 2014 کے بعد پاکستان میں مارخور کی تعداد میں اضافہ ہوا ہے اور ایک دہائی کے عرصہ میں ان کی تعداد 2 گنا بڑھ چکی ہے۔ اس دوران کسی بھی برس مارخور کی تعداد میں گزشتہ سال کے مقابلہ میں کمی نہیں ہوئی۔

واضح رہے کہ مارخور کے عالمی دن کی مناسبت سے سرکاری و غیر سرکاری تنظیموں کے زیر اہتمام مختلف تقریبات کا انعقاد کیا گیا اورپاکستان کے قومی جانور مارخور کے تحفظ کے حوالہ سے آگاہی فراہم کی گئی۔