چیف جسٹس حج پر روانہ ، جسٹس منیب اختر قائم مقام چیف جسٹس کا حلف اٹھائیں گے

سپریم کورٹ کے چیف جسٹس یحییٰ آفریدی آج صبح فریضہ حج کی ادائیگی کےلیے سعودیہ عرب روانہ ہوگئے ہیں۔ چیف جسٹس عیدالاضحیٰ کے چوتھے روز وطن واپس آئیں گے۔ 

چیف جسٹس کی غیرموجودگی میں سپریم کورٹ کے سینئر جج جسٹس منیب اختر آج قائم مقام چیف جسٹس پاکستان کے طور پر حلف اٹھائیں گے۔جہاں جسٹس جمال خان مندوخیل ان سے قائم مقام چیف جسٹس کا حلف لیں گے۔

جسٹس منیب اختر سنیارٹی لسٹ میں تیسرے نمبر پر ہیں۔

سینیئر پیونی جج جسٹس منصور علی شاہ بھی بیرون ملک ہیں،جسٹس جمال مندوخیل جسٹس منیب اختر سے قائم مقام چیف جسٹس کا حلف لیں گے۔

سپریم کورٹ ذرائع کےمطابق چیف جسٹس یحییٰ آفریدی کی غیرحاضری کے دوران عدالتی امور قائم مقام چیف جسٹس منیب اختر کی زیرنگرانی جاری رہیں گے۔