عید کے موقع پر شدید گرمی،پنجاب میں آج سے 12 جون تک ہیٹ ویو کا الرٹ جاری

محکمہ موسمیات نے عید پر شدید گرمی کی لہر کی پیش گوئی کر دی ہے، آج سے بارہ جون کے دوران وسطی، بالائی پنجاب، اسلام آباد، کے پی، کشمیر اور گلگت میں پارہ سات ڈگری زیادہ رہنے کا امکان ہے۔

پنجاب میں آج سے 12 جون تک ہیٹ ویو کا الرٹ جاری کر دیا گیا ہے۔ ریلیف کمشنر نے ضلعی انتظامیہ اور متعلقہ محکموں کو متوقع ہیٹ ویو کے پیشِ نظر الرٹ رہنے کی ہدایت کی ہے۔

طبی ماہرین نے شدید گرمی میں گوشت کھانے میں احتیاط کرنے کی ہدایت دیتے ہوئے کہا ہے کہ اس سے بدہضمی اور ڈائریا جیسے مسائل پیدا ہو سکتے ہیں۔

عید کے دوران شدید گرمی کی لہر متوقع ہے، جس سے وسطی اور بالائی پنجاب، اسلام آباد، کے پی، کشمیر اور گلگت میں پارہ سات ڈگری تک بڑھ سکتا ہے۔

سندھ، جنوبی پنجاب اور بلوچستان میں بھی درجہ حرارت میں 4 سے 6 ڈگری اضافہ متوقع ہے۔