بنگلہ دیش کے عبوری سربراہ محمد یونس نے ملک میں عام انتخابات کرانے کا اعلان کردیا

بنگلہ دیش کے عبوری سربراہ محمد یونس نے ملک میں اپریل 2026 میں عام انتخابات کرانے کا اعلان کردیا۔

میڈیا رپورٹس کے مطابق محمد یونس نے قوم سے خطاب میں کہا کہ بنگلہ دیش میں عام الیکشن اپریل 2026 کے پہلے دو ہفتوں میں کسی بھی دن ہوں گے۔

محمد یونس نے بتایا کہ الیکشن کمیشن آنے والے دنوں میں انتخابات کا مکمل شیڈول جاری کرے گا۔

ان کا مزید کہنا تھا کہ عبوری حکومت نے اصلاحات، انصاف اور انتخابات کے مینڈیٹ پر ملک کا انتظام سنھبالا تھا۔ آئندہ عیدالفطر تک ملک میں اس حوالے سے کام مکمل ہو چکا ہوگا۔