اسحاق ڈار کی ترکیہ میں اسلامک کوآپریشن یوتھ فورم ایوارڈز تقریب میں شرکت،دفتر خارجہ

استنبول: نائب وزیراعظم و وزیر خارجہ اسحاق ڈار نے ترکیہ کے وزیر خارجہ کی دعوت پر استنبول میں منعقدہ اسلامک کوآپریشن یوتھ فورم ایوارڈز کی تقریب میں شرکت کی۔ 

 ترجمان دفتر خارجہ کے مطابق یہ ایوارڈز تقریب ترکیہ کے صدر رجب طیب اردگان کے اعزاز میں منعقد کی گئی  جس میں نائب وزیراعظم نے پاکستانی حکومت اور عوام کی جانب سے صدر اردگان کو اس اعزاز پر دلی مبارکباد پیش کی۔

ترجمان دفتر خارجہ نےبتایا کہ اس دورے سے پاکستان اور ترکیہ کے درمیان دوطرفہ تعلقات کو مزید مستحکم کرنے میں مدد ملے گی۔