اسرائیل کا ایرانی جوہری تنصیبات کو نشانہ بنانا عالمی قوانین کی خلاف ورزی ہے ،سربراہ آئی اے آی اے

نیویارک: عالمی ایٹمی توانائی ایجنسی (آئی اے ای اے) کے سربراہ رافیل مارگروسی نے کہا ہے کہ اسرائیل کا ایرانی جوہری پلانٹ بوشہر کو نشانہ بنانا عالمی قوانین کی خلاف ورزی ہے،حملے سے آبادی کو خطرات ہوسکتے ہیں۔

عالمی خبر رساں ادارے اے ایف پی کی رپورٹ کے مطابق اقوام متحدہ کے جوہری نگران ادارے (آئی اے ای اے ) کے سربراہ رافیل  گروسی نے خبردار کیا ہے کہ اسرائیل کی جانب سے ایران کے جنوبی جوہری پلانٹ بوشہر پر حملہ خطے میں ایک بڑی تباہی کا باعث بن سکتا ہے۔

انہوں نے خبردار کیا ہے کہ ان حملوں سے نہ صرف ایران کی ایٹمی صلاحیتوں کو نقصان پہنچا ہے بلکہ قریبی آبادیوں اور پورے خطے کے لیے سنگین ماحولیاتی اور انسانی خطرات بھی لاحق ہو سکتے ہیں۔

رافائل گروسی نے مزید کہا کہ اب تک اس تنازع میں تابکاری کا اخراج رپورٹ نہیں ہوا۔

رافیل مارگروسی نے کہا کہ اسرائیل کی جانب سے ایران کی جوہری تنصیبات کو نشانہ بنانا بین الاقوامی قوانین کی خلاف ورزی ہے اور اس طرح کے حملے جوہری آلودگی اور تابکاری کے اثرات کے سبب بڑے پیمانے پر انسانی جانوں اور ماحولیات کے لیے خطرہ بن سکتے ہیں۔

رافیل گروسی نے اقوام متحدہ کی سلامتی کونسل کو بتایا کہ’ گزشتہ چند گھنٹوں کے دوران خطے کے ممالک نے مجھ سے براہ راست رابطہ کیا ہے اور اپنی تشویش کا اظہار کیا ہے۔

عالمی توانائی ایجنسی کے سبراہ رافیل ماریانوگر نے عالمی برادری سے اپیل کی کہ وہ ایران اور اسرائیل کے درمیان کشیدگی کم کرنے کے لیے فوری اقدامات کرے تاکہ مزید تباہی اور عالمی سطح پر جوہری خطرات سے بچا جا سکے۔