اسلام آباد سمیت ملک کے مختلف علاقوں میں گرج چمک کے ساتھ بارش کی پیشگوئی

ویب ڈیسک: محکمہ موسمیات نے اسلام آباد سمیت ملک کے مختلف علاقوں میں گرج چمک اور تیز ہواؤں کے ساتھ بارش کی پیشگوئی کر دی۔

محکمہ موسمیات کے مطابق ملک کے بیشتر علاقوں میں موسم گرم اور مرطوب رہے گا،جبکہ اسلام آباد سمیت شمال مشرقی بالائی پنجاب، خیبر پختونخوا، کشمیر اور گلگت بلتستان میں آندھی، جھکڑ چلنے اور گرج چمک کے ساتھ بارش کی توقع ہے۔

اسی طرح کشمیر خیبر پختونخوا اور بالائی پنجاب میں آندھی اور بارش کا امکان ہے، اسلام آباد میں آندھی اور گرج چمک کے ساتھ بارش کی توقع ہے۔

 مری، گلیات، راولپنڈی، جہلم، فیصل آباد، جھنگ، سیالکوٹ، لاہور، جھنگ اور سرگودھا میں آندھی اور بارش کا امکان ہے،جبکہ ایبٹ آباد، ہری پور، مالاکنڈ، شانگلہ، پشاور، صوابی، مردان، مہمند، خیبر اور کوہاٹ میں موسلا دھار بارش ہونے کی توقع ہے۔

محکمہ موسمیات کے مطابق سندھ کے جنوب مشرقی اضلاع نگر پارکر مٹھی اور اسلام کوٹ میں آندھی اور بارش کا امکان ہے۔

اسی طرح بلوچستان کے مشرقی اضلاع میں موسم شدید گرم رہنے کا امکان ظاہر کیا گیا ہے، کشمیر اور گلگت بلتستان میں تیز ہواؤں کے ساتھ گرج چمک اور موسلا دھار بارش کی توقع ہے۔