دمشق : چرچ میں خودکش حملہ، 30 افراد ہلاک متعدد زخمی

دمشق: شام کے دارالحکومت دمشق میں واقع ’مار الیاس‘ چرچ پر خودکش حملہ ہوا ہے جس کے نتیجے میں 30 افراد ہلاک جبکہ متعدد زخمی ہوگئے۔

شامی خبر رساں ایجنسی کے مطابق یہ واقعہ سینٹ الیاس چرچ میں اس وقت پیش آیا جب ایک خودکش بمبار نے چرچ کے اندر خود کو دھماکے سے اڑا دیا۔

شامی ذرائع ابلاغ یہ بھی رپورٹ کر رہے ہیں کہ سیکیورٹی فورسز نے علاقے کا محاصرہ کر لیا ہے تاکہ جاں بحق اور زخمی افراد کو نکالا جا سکے۔

خبر رساں ادارے اے ایف پی کے نمائندوں نے جائے وقوعہ پر شدید تباہی کا مشاہدہ کیا، چرچ کے اندر تباہ شدہ لکڑی کے بنچز، ٹوٹی ہوئی شبیہیں (Icons) اور خون کے تالاب دکھائی دیے،ابتدائی اطلاعات کے مطابق متعدد افراد کو زخمی حالت میں ایمبولینسوں کے ذریعے ہسپتال منتقل کیا گیا۔

تاہم اب تک کی ابتدائی اطلاعات کے مطابق ہلاکتوں یا زخمیوں کی درست تعداد جاری نہیں کی گئی، تاہم 30 افراد کے جاں بحق اور زخمی ہونے کی اطلاعات میڈیا پر موجود ہیں۔