اسرائیل کے ناقابل تسخیر ہونے کا تاثر زمین بوس ہو چکا ،وزیر دفاع

اسلام آباد: وزیر دفاع خواجہ آصف نے کہا ہے کہ اسرائیل کے ناقابل تسخیر ہونے کا تاثر زمین بوس ہو چکاہے۔

سماجی روابط کی ویب سائٹ ایکس پر جاری اپنے پیغام میں انہوں نے کہا کہ امریکیوں نے ایران کو زیر کرنے کے لئے تار تار ہونے والی صیہونی فوجی طاقت کا ساتھ دیا۔

وزیردفاع خواجہ آصف کاکہناہے کہ اسرائیل کے ناقابل شکست ہونے کا تصور ریزہ ریزہ ہوگیا جبکہ غزہ اپنے ملبے پر اب بھی استقامت سے کھڑا ہے جبکہ آدھی صدی تک پابندیوں کا شکار رہنے والا ایران آج بھی ناقابل تسخیر ہے۔

Israel’s perceived invincibility is in tatters, Gaza is standing tall in its ruins spirit unshaken, for indomitable Iran a country boycotted and sanctioned for 1/2 century Americans were needed to save tattered Zionist military might/prestige.

— Khawaja M. Asif (@KhawajaMAsif) June 22, 2025

مزید برآں وزیر دفاع خواجہ آصف نے نجی ٹی وی سے گفتگو کرتے ہوئے کہا کہ امریکا پر یہودی لابی کا پریشر تھا اس لیے اس نے ایران پر حملہ کیا، ایران ہمارا ہمسایہ ملک ہے بالکل اس کے ساتھ کھڑے ہیں،انہوں  نے کہا کہ ہمارے ایران کے ساتھ تعلقات مضبوط ہیں۔

 انہوں نے مزید کہا کہ پاک بھارت جنگ کے دوران صدر ٹرمپ نے اہم کردار ادا کیا،اگر پاکستان نے ٹرمپ کو نوبل پرائز کے لیے کہا ہے تو وہ ایک صورتحال میں بنتا ہے،بھارت کو غلط فہمی تھی کہ وہ ہم سے بہت زیادہ طاقتور ہے۔