بھارتی ریاست تلنگانہ کی کیمیکل فیکٹری میں خوفناک دھماکا، 10 افراد ہلاک متعدد زخمی

حیدر آباد: بھارت کی جنوبی ریاست تلنگانہ کی ایک کیمکل فیکٹری میں خوفناک دھماکہ ہوا ہے جس کے نتیجے میں 10 افراد جاں بحق جبکہ 20 سے زائد افراد زخمی ہو گئے۔

بھارتی میڈیا کے مطابق یہ خوفناک دھماکہ سگاچی کیمیکلز میں ہوا ہے،جہاں دھماکے کے وقت 30 فیکٹری ورکر ڈیوٹی پر موجود تھے،جس کے نتیجے میں میں کم از کم 10 افراد ہلاک جب کہ متعدد زخمی ہیں۔

ریسکیو حکام کے مطابق دھماکے میںہونے والے زخمیوں کو قریبی اسپتال منتقل کر دیا گیا ہے جہاں ان کو بہتر طبی امداد دی جارہی ہے۔

بھارتی میڈیا کے مطابق ریسکیو ٹیموں اور فائر بریگیڈ کے عملے نے امدادی کارروائیاں شروع کردیں، ہلاکتوں میں اضافے کا خدشہ ظاہر کیا جارہا ہے۔

 جبکہ پولیس کی جانب سے واقعے کی تحقیقات شروع کردی گئی ہیں۔