گلوکارہ نصیبو لال نغمہ نگار الطاف باجوہ کی عیادت کیلئےاسپتال آمد

لاہور: پاکستان کی نامور پنجابی گلوکارہ نصیبو لال نغمہ نگار الطاف باجوہ کی عیادت کیلئے جا پہنچیں،الطاف باجوہ کو دیکھتے ہی گلوکارہ نصیبو لال آبدیدہ ہو گئیں ۔

پاکستان فلم انڈسٹری کے نامور نغمہ نگار الطاف باجوہ کی حالت نہ سنبھل سکی، الطاف باجوہ لاہور کے نجی اسپتال میں زیر علاج ہیں۔
 معروف گلوکارہ نصیبو لال نے فلمی نغمہ نگار الطاف باجوہ کی اسپتال میں جا کر عیادت کی۔

گلوکارہ نصیبو لال نے نغمہ نگار الطاف باجوہ کی خیریت دریافت کی،انہیں دیکھتے ہی گلوکارہ نصیبو لال آبدیدہ ہوگئیں،وہ دیر تک ان کے پاس بیٹھی رہیں اور حال دریافت کرتی رہیں۔

 گلوکارہ نصیبولال نے  الطاف باجوہ کے لکھے کئی گیت گائے ہیں،نغمہ نگار الطاف باجوہ دل کی تکلیف کے باعث چند روز سے  لاہور کے نجی اسپتال میں زیر علاج ہیں۔