بلوچستان کے ضلع ژوب اور گرد نواح میں زلزلے کے جھٹکے

ژوب: بلوچستان کے ضلع ژوب اور گردونواح میں زلزلے کے جھٹکے محسوس کیے گئےجس سے لوگوں میں خوف و ہراس پھیل گیا۔

ژوب اور گردونواح میں زلزلے سے لوگ خوفزدہ ہو کر گھروں سے باہر نکل آئے اور کلمہ طیبہ کا ورد کرنے لگے۔

زلزلہ پیما مرکز کے مطابق ریکٹر سکیل پر زلزلے کی شدت  4.8 ریکارڈ کی گئی،جس  کا مرکز ژوب سے 40 کلو میٹر دور جبکہ گہرائی 20 کلو میٹر تھی۔ 

خیال رہے کہ گزشتہ روز بلوچستان اور پنجاب کے مختلف علاقوں میں بھی زلزلے کے جھٹکے محسوس کیے گئے تھے۔