صدر مملکت نے نئے مالی سال کے فنانس بل پر دستخط کر دئیے

اسلام آباد:  صدر مملکت آصف علی زرداری نے فنانس بل 26-2025 پر دستخط کر دیئے۔

قومی اسمبلی سیکرٹریٹ نے فنانس بل کی منظوری کے بعد صدر کی توثیق کے آئینی تقاضا کو پورا کرنے کے کئے بل ایوان صدر بھیجا تھا۔

ذرائع کے مطابق صدر مملکت آصف علی زرداری کی جانب سے فنانس بل پر دستخط کے بعد نئے مالی سال کے  بجٹ منظوری کا عمل مکمل ہو گیا ہے۔
 بل کی منظوری کے عمل میں قومی اسمبلی نے حکومت کی 10 مکمل اور 2 ذیلی ترامیم کی منظوری دی۔

اپوزیشن کی 78 ترامیم کو ایوان نے مسترد کیا تھا، صدر کی منظوری کے بعد فنانس بل 26-2025 یکم جولائی سے نافذ العمل ہوگا۔

صدر مملکت کی منظوری کے بعد فنانس بل کے تحت مختلف ٹیکس اقدامات لاگو ہو جائیں گے۔

صدر مملکت آصف علی زرداری کی توثیق کے بعد بل گزٹ نوٹیفکیشن کے لئے بھجوا دیا گیا۔