سرکاری ملازمین کی تنخواہوں میں 10 فیصد اضافہ اور 30 فیصدالاؤنس کا نفاذ

وفاقی حکومت نے سرکاری ملازمین کی تنخواہوں میں 10 فیصد اضافے اور 30 فیصد ڈسپیریٹی ریڈکشن الاؤنس کے نفاذ کا نوٹیفکیشن جاری کر دیا ہے۔

وزارت خزانہ کے اعلامیے کے مطابق تنخواہوں میں یہ اضافہ یکم جولائی 2025 سے مؤثر ہوگا۔

نوٹیفکیشن میں واضح کیا گیا ہے کہ مسلح افواج، سول آرمڈ فورسز اور تمام وفاقی سول ملازمین کو ان کی موجودہ بنیادی تنخواہ پر 10 فیصد ایڈہاک ریلیف الاؤنس دیا جائے گا۔

یہ ایڈہاک الاؤنس کنٹریکٹ بنیاد پر کام کرنے والے ملازمین پر بھی لاگو ہوگا۔

اس کے ساتھ ساتھ، گریڈ 1 سے 22 تک کے ملازمین کو 30 جون 2022 کی بنیادی تنخواہ کی بنیاد پر 30 فیصد ڈسپیریٹی ریڈکشن الاؤنس بھی دیا جائے گا۔

یہ دونوں الاؤنسز یکم جولائی 2025 سے نافذ العمل ہیں۔

یہ اقدامات وفاقی بجٹ 2025-26 کے تحت کیے گئے وعدوں کے مطابق ہیں، جن کا مقصد مہنگائی کے دباؤ سے سرکاری ملازمین کو جزوی ریلیف فراہم کرنا ہے۔