ساؤتھ ایشین کراٹے چیمپئن شپ: پاکستان کے 2 کھلاڑیوں نے گولڈ میڈلز جیت لیے

کولمبو : سری لنکا کے دارالحکومت کولمبو میں جاری ساؤتھ ایشین کراٹے چیمپئن شپ 2025 میں پاکستان کے نوجوان کھلاڑیوں نے شاندار کارکردگی کا مظاہرہ کرتے ہوئے دو گولڈ میڈلز اپنے نام کر لیے۔

انڈر 10 کیٹیگری میں حذیفہ ارشد نے کیڈٹ انفرادی کاتا میں گولڈ میڈل حاصل کر کے پاکستان کو پہلی بڑی کامیابی دلائی، جبکہ آئینہ نوئیل نے انڈر 12 پلس 40 کلوگرام کلاس میں شاندار کھیل پیش کرتے ہوئے دوسرا گولڈ میڈل جیتا۔

ان کامیابیوں کے بعد پاکستان کے تمغوں کی مجموعی تعداد 10 ہو گئی ہے، جن میں 2 گولڈ، 1 سلور اور 7 برانز میڈلز شامل ہیں۔

چیمپئن شپ میں پاکستان کے ساتھ بھارت، سری لنکا، بنگلہ دیش، نیپال اور بھوٹان کی ٹیمیں بھی حصہ لے رہی ہیں۔