وزیر دفاع نے عالم اسلام کے حکمرانوں کو تنقید کا نشانہ بناتے ہوئے کہا کہ وہ روزانہ غزہ کی خونچکاں تصاویر دیکھتے ہیں مگر کوئی مؤثر قدم نہیں اٹھاتے


وزیر دفاع خواجہ محمد آصف نے یوم عاشور کے موقع پر سیالکوٹ میں جلوسِ عزاء میں شرکت کے دوران گفتگو کرتے ہوئے کہا کہ کربلا کے بعد ایسی عظیم قربانی کی مثال دنیا کے کسی بھی خطے میں نہیں ملتی، جیسی آج فلسطین کے مظلوم عوام دے رہے ہیں۔
انہوں نے کہا کہ آج کا دن کربلا کے عظیم واقعے کی یاد دلاتا ہے، اور اہلِ تشیع برادری اسے عالمِ اسلام میں انتہائی عزت و احترام کے ساتھ مناتی ہے۔ لیکن دوسری طرف، غزہ آج کربلا کا منظر پیش کر رہا ہے، جہاں معصوم مسلمان بچوں اور عورتوں پر مظالم ڈھائے جا رہے ہیں، مگر عالم اسلام خاموش تماشائی بنا ہوا ہے۔
خواجہ آصف نے کہا کہ یوم عاشور کے موقع پر ہمیں یہ سوچنے کی ضرورت ہے کہ کیا اسلام کو ایک بار پھر قربانی کے لہو کی ضرورت ہے؟ فلسطینی عوام کی استقامت اور قربانیاں امام حسینؓ کی عظیم شہادت کے تسلسل کو زندہ رکھے ہوئے ہیں۔
انہوں نے مقبوضہ کشمیر میں یوم عاشور پر عائد پابندیوں کو بھارتی حکومت کی اسلام دشمن پالیسیوں کا مظہر قرار دیا اور کہا کہ مودی حکومت کے تکبر کو وقت نے پہلے ہی خاک میں ملا دیا ہے۔
وزیر دفاع نے عالم اسلام کے حکمرانوں کو تنقید کا نشانہ بناتے ہوئے کہا کہ وہ روزانہ غزہ کی خونچکاں تصاویر دیکھتے ہیں مگر کوئی مؤثر قدم نہیں اٹھاتے۔ لاکھوں افراد غزہ کے ساتھ یکجہتی کا اظہار کر چکے ہیں، مگر بدقسمتی سے کسی اسلامی ریاست نے یہ جذبہ منظم انداز میں پیش نہیں کیا — حتیٰ کہ پاکستان میں بھی نہیں۔
ان کا کہنا تھا کہ ایمان، انسانیت اور مظلوموں کے تحفظ کے لیے اب عالم اسلام کو بیدار ہونا ہوگا۔ آج بھی فلسطینی بچے قطاروں میں کھڑے ہو کر کھانے کے انتظار میں گولیاں کھا رہے ہیں، اور امت مسلمہ کو یوم عاشور کے جذبے کو زندہ رکھنے کی ضرورت ہے۔

گوگل کا جی میل صارفین کے لیے الرٹ،کروڑوں ا کاونٹ خطرے میں
- 4 گھنٹے قبل

درجہ حرارت بڑھنے سے گلیشئر پگھل رہے، موسمیاتی تبدیلی سے آفات کا سامنا ہے،مصدق ملک
- 2 گھنٹے قبل

اسحاق ڈارکی آرمینیائی وزیر خارجہ سے ملاقات،دونوںممالک کے مابین سفارتی تعلقات قائم
- 4 گھنٹے قبل

بھارت آبی جارحیت سےباز نہ آیا،بغیر اطلاع کے 3 جگہوں سے پانی چھوڑدیا، صورتحال مزیدخراب ہونے کا خدشہ
- 6 گھنٹے قبل

ڈاکٹرطاہر القادری کا عالمی میلادکانفرنس کے اخراجات سیلاب متاثرین پرخرچ کرنےکا اعلان
- 3 گھنٹے قبل

شدید سیلابی ریلے کے باعث ریلوے ٹریک پانی میں بہہ گیا،ٹرینوں کی آمد و رفت معطل
- 7 گھنٹے قبل

شنگھائی تعاون تنظیم اجلاس :وزیراعظم شہباز شریف عالمی رہنماؤں کی توجہ کا مرکز بن گئے
- 36 منٹ قبل

وزیراعظم کی ترک صدررجب طیب سے ملاقات، اہم علاقائی اور عالمی پیشرفت پر تبادلہ خیال
- 7 گھنٹے قبل

کراچی:سی ٹی ڈی اور حساس اداروں کی مشترکہ کارروائی، فتنہ الخوارج اور القاعدہ کے 5 دہشتگرد گرفتار
- 7 گھنٹے قبل

توشہ خانہ ٹو کیس :بانی پی ٹی آئی اور بشریٰ بی بی کی اڈیالہ جیل میں سماعت منسوخ
- 4 گھنٹے قبل

اسرائیلی فوج کی بمباری سے القسام بریگیڈ کے سربراہ ابو عبیدہ شہید،حماس اور اہلخانہ کی تصدیق
- 6 گھنٹے قبل

مودی حکومت کو ایک اور جھٹکا، ڈونلڈ ٹرمپ نے بھارت کا دورہ منسوخ کردیا
- 4 گھنٹے قبل