ویسٹ انڈیز کو آسٹریلیا کے ہاتھوں مسلسل دوسری شکست، سیریز کینگروز کے نام

سینٹ جارج : آسٹریلیا نے  ویسٹ انڈیز کو دوسرے ٹیسٹ میچ میں 133رنز سے شکست دے کر تین میچوں کی سیریز 2-0  سے اپنے نام کر لی۔

تفصیلات کے مطابق سینٹ جارج میں کھیلے گئے دوسرے ٹیسٹ کے چوتھے روز  ویسٹ انڈیز کی ٹیم 277 رنز کا ہدف حاصل نا کر سکی  اور 143  رنز پر ڈھیر ہو گئی۔
ویسٹ انڈیز کی طرف سے دوسری اننگز میں روسٹن چیس 34  رنز بنا کر نمایاں رہے، جبکہ آسٹریلیا کی جانب سے مچل اسٹارک اور ناتھن لیون نے  3,3 اور  جوش ہیزل ووڈ نے 2 وکٹیں حاصل کیں۔

 پیٹ کمنز کی قیادت میں آسٹریلیا  نے پہلی اننگزمیں 286 اور دوسری اننگز میں 243 رنز بنائے، جبکہ ویسٹ انڈیز کی ٹیم پہلی اننگز میں  253 اور دوسری اننگز میں 143  رنز بنا سکی۔
آسٹریلوی  بلے باز  ایلکس کیری نے  مجموعی طور پر 93  رنز بنا کر مین آف دی میچ کا اعزاز اپنے نام کر لیا۔

واضح رہے کہ اس سے قبل پہلے ٹیسٹ میں کریبین ٹیم کو 159  رنز سے شکست ہوئی تھی ،  سیریز کا آخری ٹیسٹ کا آغاز 12  جولائی سے کنگسٹن میں کھیلا جائے گا۔