عالمی و مقامی مارکیٹوں میں سونا ہزاروں روپےسستا ،فی تولہ کتنے کا ہو گیا؟

کراچی: عالمی مارکیٹوں میں سونا ہزاروں روپے سستا ہو گیا جس کے باعث پاکستان میں بھی سونے کی قیمت میں نمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے روز ملک میں فی تولہ سونا 2 ہزار 500 روپے سستا ہوا ہے  جس کے بعد 24 گرام سونے کی نئی قیمت 3 لاکھ 53 ہزار روپے کا ہو گیا۔

اسی طرح 10 گرام سونے کی قیمت میں 2 ہزار 143 روپے کی کمی ریکارڈ کی گئی ہے جس کے سونے کی نئی قیمت 3 لاکھ 2 ہزار 640 روپے کی سطح پر آ گئی۔

دوسری جانب عالمی بلین مارکیٹ میں فی اونس سونا 25 ڈالر سستا ہو گیا جس کے بعد عالمی مارکیٹ میں فی اونس سونے کی قیمت 3 ہزار 310 ڈالر ہو گئی۔