محسن نقوی کی ا فغان ہم منصب سے ملاقات، دہشتگر دی کے خاتمے اوردوطرفہ تعلقات پرتبادلہ خیال

کابل:وفاقی وزیر داخلہ محسن نقوی کی افغان ہم منصب سراج الدین حقانی سے اہم ملاقات ہوئی ہے، جس میںدہشتگردی کے خاتمے اور دوطرفہ تعلقات کے حوالے سے تبادلہ خیال کیا گیا۔

تفصیلات کے مطابق وزیرداخلہ محسن نقوی کا افغان وزارت داخلہ آمد پر افغان وزیر داخلہ سراج الدین حقانی نے خیر مقدم کیا، ملاقات میں دوطرفہ تعلقات خصوصا انسداد دہشت گردی، دراندازی اور کالعدم تحریک طالبان کے حوالے سے تبادلہ خیال کیا گیا۔

اس موقع پر دونوں رہنماؤں نے پاک افغان سرحد کی موثر مینجمنٹ، منشیات کی روک تھام اور سرحد پار نقل و حرکت کو منظم کرنے کے طریقہ کار پر بھی بات چیت کی ،پاکستان میں غیر قانونی طور پر مقیم افغان شہریوں کے وطن واپسی کے عمل پر گفتگو کی گئی۔

وزیر داخلہ محسن نقوی نے کہ دہشت گرد تنظیمیں فساد اور عدم استحکام کا باعث بن رہی ہیں ، ملکر روکنا ہو گا، پاکستان افغانستان کے ساتھ برادرانہ اور دیرپا تعلقات کا خواہاں ہے۔

محسن نقوی نے مزید کہا کہ پاکستان نے کئی دہائیوں تک لاکھوں افغان مہاجرین کی بے لوث مہمانوازی کی، شہریوں کی قانونی طور پر آمد کے دروازے کھلے ہیں۔ 

دوران ملاقات دونوں وزرائے داخلہ نے پاکستان اور افغانستان کے درمیان پرامن بقائے باہمی، استحکام اور تعاون کی ضرورت پر زور دیا۔

افغانستان کے سینئر نائب وزیرداخلہ ابراہیم سردار، پاکستان کے نمائندہ خصوصی برائے افغانستان محمد صادق، وفاقی سیکرٹری داخلہ خرم آغا، اعلی سفارتی حکام اور افغان وزارت داخلہ کے عہدیداران بھی اس موقع پر موجود تھے۔