تین ملکی ٹی ٹوئنٹی سیریز کا آغاز: پاکستان کا افغانستان کے خلاف بیٹنگ کا فیصلہ

تین ملکی ٹی ٹوئنٹی سیریز کے پہلے میچ میں پاکستان نے افغانستان کے خلاف ٹاس جیت کر پہلے بیٹنگ کرنے کا فیصلہ کیا ہے۔

پاکستان، افغانستان اور متحدہ عرب امارات کے درمیان ہونے والی اس سیریز کے آغاز پر شائقین کی بڑی تعداد اسٹیڈیم میں موجود ہے۔

اس مرتبہ افغان شائقین کی تعداد پاکستانی فینز سے زیادہ دیکھی گئی ہے، جب کہ بھارتی مداح بھی افغان ٹیم کی حمایت میں موجود ہیں۔

انتظامیہ نے پاک افغان شائقین کے لیے علیحدہ اسٹینڈز، پویلینز اور راستے مختص کر دیے ہیں۔ ٹکٹوں کے رنگ بھی مختلف رکھے گئے ہیں تاکہ پاکستانی فینز کے لیے ہرا اور افغان فینز کے لیے نیلا رنگ الگ الگ ہو۔