26 نومبر احتجاج کیس: بانی پی ٹی آئی کی ہمشیرہ علیمہ خان کی عبوری ضمانت میں توسیع

راولپنڈی: انسداد دہشت گردی عدالت(اے ٹی سی) راولپنڈی نے 26 نومبر کے احتجاج کے کیس میں بانی پی ٹی آئی عمران خان کی بہن علیمہ خان کی عبوری ضمانت میں 10 ستمبر تک توسیع کر دی۔

 انسداد دہشت گردی عدالت کے جج امجد علی شاہ کے رخصت پر ہونے کے باعث سماعت 10 ستمبر تک ملتوی کی گئی ہے۔

عدالت نے نعیم حیدر پنجھوتھا، اعظم سواتی اور دیگر ملزمان کی عبوری ضمانت میں بھی 10 ستمبر تک توسیع کی ہے۔

خیال رہے کہ علیمہ خان کے خلاف تھانہ راولپنڈی صادق آباد میں مقدمہ درج ہے۔