اڈیالہ جیل کے باہر سیاسی گہما گہمی، کارکنوں اور پولیس میں تلخ کلامی، علیمہ خان کی میڈیا سے جھڑپ

راولپنڈی: اڈیالہ جیل میں پاکستان تحریک انصاف کے بانی عمران خان سے ملاقات کے دن پر جیل کے باہر سیاسی سرگرمیوں اور سیکیورٹی صورتحال میں شدت دیکھی گئی۔ پارٹی رہنماؤں، وکلا، اہل خانہ اور کارکنوں کی بڑی تعداد جیل کے اطراف مختلف ناکوں پر موجود رہی۔

 کارکنوں کا اجتماع:

گورکھپور ناکے پر پی ٹی آئی کارکنوں کی بڑی تعداد جمع ہوئی۔

پارٹی کے سینئر رہنما شاہد خٹک، شفقت اعوان، سیمابیہ طاہر سمیت دیگر ارکان بھی وہاں موجود تھے۔

عمران خان کی بہن علیمہ خان اپنی بہنوں کے ہمراہ پہنچیں تو ان کی گاڑی کو پولیس نے روکا، جس پر کارکنوں نے احتجاج کیا اور اہلکاروں سے تلخ کلامی ہوئی۔

 اہل خانہ کو مخصوص اجازت:

بشریٰ بی بی کی بیٹی مبشرہ شیخ اور بھابھی مہرالنسا احمد کو گیٹ نمبر 5 سے جیل میں داخلے کی اجازت دی گئی۔