افغانستان میں زلزلے کی شدت 6، ہلاکتیں 1400 سے زائد، ہزاروں گھر تباہ

افغانستان میں 6 شدت کے زلزلے کے نتیجے میں اموات کی تعداد 1400 سے تجاوز کر گئی ہے۔

افغان حکومت کے ترجمان ذبیح اللہ مجاہد نے بتایا کہ اتوار کی شب اور پیر کی صبح کے درمیان آنے والے زلزلے میں ہلاک ہونے والوں کی تعداد 1411 ہو چکی ہے۔

افغان ہلال احمر کے مطابق، اس قدرتی آفت میں 3251 افراد زخمی ہوئے ہیں جبکہ 8 ہزار سے زائد مکانات مکمل یا جزوی طور پر تباہ ہو چکے ہیں۔

سرکاری میڈیا کے مطابق زلزلے سے سب سے زیادہ نقصان صوبہ کنڑ میں ہوا ہے۔

امریکی جیولوجیکل سروے کے مطابق زلزلے کا مرکز صوبہ ننگرہار کے شہر جلال آباد کے قریب تھا اور اس کی گہرائی 8 کلومیٹر ریکارڈ کی گئی۔

رپورٹس کے مطابق، زلزلہ مقامی وقت کے مطابق رات 11 بج کر 47 منٹ پر آیا، اور تقریباً 20 منٹ بعد اسی علاقے میں شدت 4.5 کا ایک اور جھٹکا محسوس کیا گیا جس کی گہرائی 10 کلومیٹر تھی۔