"پنک گیمز" میں پنجاب بھر سے تین ہزار سے زائد خواتین کھلاڑیوں کی شرکت متوقع

سپورٹس بورڈ پنجاب نے خواتین کے لیے صوبے کی سب سے بڑی اسپورٹس تقریب "کھیلتا پنجاب پنک گیمز" کے انعقاد کا فیصلہ کر لیا ہے۔

اس حوالے سے صوبائی وزیر کھیل فیصل ایوب کھوکھر کی زیر صدارت ایک اجلاس منعقد ہوا، جس میں سیکرٹری اسپورٹس مظفر سیال اور ڈی جی اسپورٹس خضر افضال چوہدری سمیت دیگر افسران شریک ہوئے۔

اجلاس میں ایونٹ کے انتظامات کا جائزہ لیا گیا اور صوبائی وزیر نے ہدایت کی کہ اکتوبر کے آخر میں ایونٹ کا شیڈول ترتیب دے کر فوری طور پر تیاریوں کا آغاز کیا جائے۔

فیصل ایوب کھوکھر کے مطابق "پنک گیمز" میں پنجاب بھر سے تین ہزار سے زائد خواتین کھلاڑیوں کی شرکت متوقع ہے، اور صوبے کے تمام ڈویژنز اس ایونٹ میں حصہ لیں گے۔