سہ ملکی سیریز: پاکستان کا متحدہ عرب امارا ت کے خلاف ٹاس جیت کر بلے بازی کرنے کا فیصلہ

شارجہ: سہ ملکی سیریز  کے پانچویں میچ میں پاکستان نے یو اے ای کے خلاف ٹاس جیت کر بیٹنگ کا فیصلہ کیاہے۔

ٹاس کے موقع پر پاکستان ٹیم کے کپتان سلمان علی آغا نے کہا کہ یو اے ای کو بڑا ہدف دینے کی کوشش کریں گے، قومی ٹیم میں دوتبدیلیاں کی گئی ہیں۔

سلمان علی آغا نے کہا کہ حارث رؤف کی جگہ سلمان مرزا اور سفیان مقیم کی جگہ ابرار احمد کو ٹیم میں شامل کیا گیا ہے۔

اس میچ میں کامیابی پاکستان کو تین ملکی سیریز کے فائنل میں پہنچا دے گی۔

پاکستان سکواڈ

سلمان علی آغا (کپتان)، صاحبزادہ فرحان، صائم ایوب، فخر زمان، حسن نواز، محمد نواز، محمد حارث (وکٹ کیپر)، فہیم اشرف، شاہین شاہ آفریدی، سلمان مرزا، ابرار احمد۔

یو اے ای سکواڈ

محمد وسیم (کپتان)، آصف خان، علی شان شرفو، راہل چوپڑا (وکٹ کیپر)، ایتھان ڈیسوزا، ہرشت کوشک، شروو پرشار، حیدر علی، محمد جواز، محمد روحد، جنید صدیق۔