آبی سرحدوں کی محافظ پاک بحریہ، ملک بھر میں یوم بحریہ ملی جوش و جذبے سے منایا جارہا ہے

آبی سرحدوں کی محافظ پاک بحریہ کو قوم کا سلام،،ملک بھر میں یوم بحریہ آج منایا جارہا ہے۔

بہادر سپوتوں کو زبردست خراج تحسین پیش کیا گیا،جنگ ستمبر میں آرمی اور فضائیہ کی طرح بحریہ نے بھارت کو دھول چٹائی، آپریشن دوارکا پاک بحریہ کی تاریخ کا سنہری باب ہے، پاک بحریہ نے بھارتی بندرگاہ دوارکا پر کامیاب حملہ کیا تھا۔

بھارتی ریڈار سٹیشن کو تباہ کرکے اہم کامیابی حاصل کی، کراچی سے 350 کلو میٹر دور دوارکا کو بھارت کے دفاعی قلعے کی حیثیت حاصل تھی، پاک بحریہ نے محدود وسائل کے باوجود عظیم کارنامہ انجام دیا تھا

7 اور 8 ستمبر کی درمیانی شب پاک بحریہ نے بھارتی نیول بیس دوارکا پر حملہ کیا، آپریشن سومناتھ میں پاک بحریہ کے پی این ایس بابر، خیبر، بدر، جہانگیر، عالمگیر، شاہجہان اور ٹیپو سلطان نے حصہ لیا، صرف 4 منٹ میں بھارتی نیول بیس آگ کا ڈھیر بنادیا گیا، 120 میل دور بھارتی سرزمین پر حملے نے بھارتی بحریہ کو شل کردیا۔۔