دوحہ میں اسرائیلی حملہ: حماس کی اعلیٰ قیادت محفوظ، خلیل الحیہ کا بیٹا شہید

حماس کے سیاسی دفتر کے رکن سہیل الہندی نے تصدیق کی ہے کہ قطری دارالحکومت دوحہ میں اسرائیلی حملے کے دوران حماس کی اعلیٰ قیادت محفوظ رہی۔

الجزیرہ کو دیے گئے بیان میں سہیل الہندی نے بتایا کہ حملے کے وقت حماس کی قیادت غزہ میں جنگ بندی معاہدے پر مشاورت کے لیے جمع تھی۔

ان کا کہنا تھا کہ اس حملے میں حماس رہنما خلیل الحیہ کے بیٹے ھمام الحیہ اور دفتر کے انچارج جہاد لبد شہید ہوگئے، جبکہ تین محافظوں سے تاحال رابطہ نہیں ہو سکا۔

واضح رہے کہ اسرائیل نے آج دوحہ میں حماس کے دفتر پر فضائی حملہ کیا۔ اسرائیلی وزیر اعظم اور فوج نے اس حملے کی ذمہ داری قبول کرتے ہوئے دعویٰ کیا ہے کہ حماس کی اعلیٰ قیادت کو نشانہ بنایا گیا۔